Deputeti i Kuvendit të Kosovës nga radhët e komunitetit egjiptian, Veton Berisha e ka quajtur të pa pranueshëm gjestin e avokatit Tomë Gashi, i cili të premten shqelmoi paratë e një lypsari në sheshin “Nënë Tereza”, në Prishtinë.
Berisha i ka quajtur qyqare, raciste dhe tepër të liga, veprimet e Gashit.
“Si deputet i Kuvendit të Kosovës, përfaqësues i një pjese të madhe të familjeve të varfra në Kosovë nga komuniteti Egjiptian i dënoj ashpër veprimet e avokatit të mirënjohur njëheritë aktivist i Lëvizjes Vetëvendosje Tomë Gashit ndaj një lypsari në qendër të Prishtinës”, ka shkruar ai në Facebook.
Berisha ka pyetur Gashin nëse është e njerëzishme veprimi i tij ndaj lypsarit.
“Tani e pyes Gashin si profesionist i së drejtës me shumë përvojë a duhet të trajtohet kështu njeriu nga njeriu apo të tillët janë përgjegjësi e shtetit dhe jo individit”.
“Mos u anko tani në pushtetin Gashi tani pushteti jeni ju”, ka shkruar ai në fund.
