Po vazhdon dëshmia e dëshmitarit të pestë në rastin e krerëve të UÇK-së.
Dëshmitari i radhës në këtë rast ka deklaruar se ka qenë anëtar i UÇK-së. Ai është pyetur nga mbrojtja e Thaçit për detajet e uniformës, si e kishte blerë e më pas qepur.
Avokati e ka pyetur dëshmitarin se a ka pasur ndonjë verifikim që ishte bërë pjesë e UÇK-së, dhe ai tha jo.
I sjellim përgjigjet e plota të dëshmitarit:
Avokati: Do të doja të filloja me kyçjen tuaj në UÇK. Ju thatë që u bashkëngjitët më 24 korrik 1998 në UCK?
Dëshmitari 5: Po
Avokati: Më duket se ju e përshkruat procesin si u bashkuat në UÇK. Erdhi dikush e të tha na duhen përforcime në fshat, dhe ti shkove për të marrë pjesë në mbrojtjen e fshatit kundër serbëve?
Dëshmitari 5: Ka emër personi.
Avokati: A nënshkrove ndonjë gjë kur u bashkove me UÇK?
Dëshmitari 5: Nuk dëgjohet
Avokati: A more ndonjë letërnjoftim a copë letër ku të thuhej që ti ishe anëtar?
Dëshmitari 5: Unë jam dalë në ora 2 të natës atë natë. Të nesërmen i ka marrë shënimet komandanti kush ka qenë.
Avokati: Nuk të dha ndonjë kartelë, letër ku thuhej se ishe anëtar?
Dëshmitari 5: Nuk më kanë dhënë.
Avokati: Po uniformë a të dhanë?
Dëshmitari 5: E kam blerë vetë. Se nuk ka pasur. E kam blerë vetë. Si kamuflazh e kena paguar vetë.
Avokati: Nuk të dhanë para për ta blerë uniformën, e ke blerë vetë. Uniforma ishte e gatshme kur e bleve, apo e qepe?
Dëshmitari 5: Blejshum copa edhe i qepshim.
Avokati: Nga e dije se çfarë cope të blejë, kishte ndonjë rregullore që të tregonte se çka duhet të blejë?
Dëshmitari 5: Si cerada, ato i këna ble e ato i këna qepë.
Avokati: Kur iu bashkove UÇK-së, a të dhanë armë?
Dëshmitari 5: Armën e kisha marrë nga një bashkëfshatar.
Avokati: Pa e përmendur emrin e tij. Si ndodhi që ky të dha armën e tij po ai vetë nuk ishte në ushtri?
Dëshmitari 5: Ishte lodhur, ishte mërzitur. Ku e di unë, edhe më tha që mundem me ia dhanë armën edhe e kam marrë.
Avokati: Ti thua që ai ishte lodhur. Do të thotë që nuk donte të vazhdonte me ushtri?
Dëshmitari 5: Pasi është kyç më vonë nuk mundem të them asgjë.
Avokati: Ti the që e bleve copën dhe e qepët uniformën. Këtë gjë mund ta bënte kushdo edhe një njeri që nuk ishte në UÇK. Edhe pa qenë në UÇK, ishte e mundur kjo gjë?
Dëshmitari 5: Në rast se nuk ke pasur armë, ti s’ke pas nevojë as me ble as…Nuk mundem me thanë për askënd.
Avokati: Duke pasur parasysh faktin që atyre që kyçeshin në UÇK nuk u jepej dokument, kjo tregon se çdo njeri mund të blente copën dhe ta bënte uniformën edhe pa qenë në UCK?
Dëshmitari 5: Nuk besoj që dikush ka blerë uniformë pa qenë i kyçur.
Avokati: A bëre ndonjë trajnim para se të shkoje në betejë?
Dëshmitari 5: Kam bërë pak më herët.
Avokati: Përveç përdorimit të armës, ndonjë gjë tjetër? Ti ke dëshmuar më herët se ke shkuar në një fshat tjetër për të marrë pjesë në një aksion kundër forcave serbe?
Dëshmitari 5: Po se aty ishte prita. Mbrojtja e fshatrave prapa.
