Dëshmitari i 39-të në rastin e krerëve të UÇK-së, Dejan Jevtiq, është ballafaquar me disa dëshmi të tij të dhëna për Prokurorinë.
Jevtiq ushtarët e UÇK-së i kishte quajtur “terroristë”.
Këto pyetje atij ia ka drejtuar avokati i Thaçit, Kehoe.
Nacionale sjell përgjigjet e tij pa ndërhyrje:
Kehoe: Flasim për ngjarjet e 3 korrikut. Ju kishit dalur me xhaxhain tuaj në fshat dhe ndërkohë po ndodhnin luftime mes forcave serbe dhe UÇK-së?
Dëshmitari: Jo nuk po shëtisnim, unë dhe ai më 3 korrik po kujdeseshim për lopët jo larg nga fshati. Pasdite pati një sulm mes patrulle serbe dhe trupave të UÇK-së. Ne ishim jashtë fshatit.
Kehoe: Kur thoni luftime, dëgjuat automatik, dëgjuat mitraloz?
Dëshmitari: Po, dëgjuam disa shpërthime që ishin të forta.
Kehoe: Ju patë këta anëtarë të UÇK-së, dhe i përshkruani si terroristë?
Dëshmitari: Jo tamam terroristë, varet çka është për ju terrorizmi.
Kehoe: Ju u përgjigjët se “terroristët siç duhet t’i quajë”.
Dëshmitari: Mbase e kam thënë pa dashje, jo se doja t’i ofendoja. Mbase e kam thënë pa dashje fjalën terroristë.
Kehoe: Në dëshminë tënde thua “ne vazhduam para se të hynim në Muvlan, dhe aty pamë një grup terroristësh që patën uniforma të zeza. Aty ishin nja 12 a 13 terroristë”. Pra, zotëri në mënyrë të vazhdueshme UÇK-në e keni përshkruar si terrosite?
Dëshmitari: Mbase mund ta kem thënë, por pa dashje. Nuk kam dashur të ofendojë askënd.