Pak orë më parë, ushtruesi i detyrës së kryetarit të OVL të UÇK-së, Faton Klinaku, përmes një postimi në Facebook, ka thënë se Gjykata Speciale ka filluar bastisje në shtëpinë e bashkëluftëtarit të Salih Mustafës – Cali, Behar Berisha, shkruan Fokusi.info.
Të afërmit e Berishës e kanë konfirmuar se atij i është konfiskuar telefoni personal, ndërsa bastisja ka zgjatur rreth një orë.
Ndryshe, kjo nuk është hera e parë që Berishës i është bastisur shtëpia nga Gjykata Speciale.
Ai ka qenë cak i zyrave të specializuara edhe në shtator të këtij viti.
Berisha ka qenë bashkëluftëtar i Sali Mustafës – Calit, i cili aktualisht gjendet në burgun e Hagës.
Klinaku: Specialja ka filluar sërish bastisje në shtëpinë e bashkëluftëtarit të Calit
