Të enjten e 14 shtatorit në Bruksel do të takohen kryeministri i Kosovës, Albin Kurti, dhe presidenti i Serbisë, Aleksandër Vuçiq në praninë e Përfaqësuesit të Lartë të Bashkimit Evropian, Josep Borrell, dhe emisarit të Bashkimit Evropian (BE) për dialogun Kosovë-Serbi, Miroslav Lajçak.
Në njoftimin e BE-së bëhet e ditur se fillimisht Borrell e Lajçaku do të kenë takim ndaras me liderët pastaj do të pasojë takimi trepalësh.
Tutje në njoftim bëhet e ditur se takimet ndaras do të nisin në orën 09:00 e pastaj do të jetë takimi trepalësh.
“Takimi do të jetë i fokusuar në zbatimin e Marrëveshjes për rrugën drejt normalizimit, si dhe çështjet aktuale”, thuhet në njoftim.
Ndërsa pas takimeve është paralajmëruar deklaratë për media nga kryediplomati evropian, Borrell.
