Një shtëpi është përfshi nga flakët në Gjakovë. Edhe pse shtëpia ka qenë e vjetër dhe e pabanueshme, në rrethana ende të paqarta, është lënduar një person.
Rasti në fjalë është konfirmuar edhe nga komandanti i Policisë për Rajonin e Gjakovës, Krist Gjokaj.
Si pasojë e këtij zjarri që përfshiu një shtëpi lëndime trupore mori një person.
“Po e konfirmoj se është djeg një shtëpi e vjetër e pabanuar dhe është lënduar një person, por jashtë rrezikut për jetë”, tha Gjokaj për Indeksonline.
Ai theksoi se zjarri tashmë është lokalizuar nga ekipet e zjarrfikësve.
