Me flokë bjondë dhe me një pamje tepër provokuese, Dua Lipa shfaqet për herë të parë si aktore në një film hollivudian
Ylli i muzikës Pop me prejardhje nga trojet shqiptare është pjesë e kastës së aktorëve protagonistë ku bëjnë pjesë Henri Kevill, Sem Rokuell, Samuel Xhekson, Kethrin Ohara e Xhon Sena në thrillerin e spiunazhit Argajëll, spoti i të cilit u publikua për të parën herë këto ditë.
28-vjeçarja vjen në rolin e një spiueneje tërheqëse dhe ky është roli i saj i parë kinematografik, që pritet të korrë sukses dhe të pasohet edhe me të tjerë.
Prodhimi i kompanisë kinematografike Apple Originals, me një buxhet prej 200 milionë Dollarë, parashikohej të shfaqej në kinema për këtë vit, por data përfundimtare e shfaqjes për herë të parë në kinematë amerikane është vendosur 2 Shkurti i vitit të ardhshëm.
Tv Klan
