Deputeti nga radhët e Vetëvendosjes, Enver Dugolli është shprehur i habitur me drejtësinë që Radoiçiqi mbeti i lirë, pas organizimit dhe ekzekutimit të sulmit të 24 shtatorit në Banjskë të Zveçanit.
“Kjo është shqetësim i madh dhe me të drejtë Kurti ngre alarmin ku në vend që Radoiçiq të përballet me drejtësinë, të ishte prapa grilave dhe të merrte dënimin e merituar që e organizoi dhe ekzekutoi me 24 shtator. Ai ende mbetet I lire dhe madje organizon tubime të natyrë së tillë. Të cilat ndonëse me prapavijë elektrorale, gjithsesi ato janë tubime për mobilizim ose ndonjë lloj organizimi të llojit soji I Radoiçiqit bën”, ka theksuar Dugolli.
I ftuar në emisionin “Five”, Dugolli u shpreh se shteti i Serbisë nuk e ka ndryshuar asnjëherë çasjen dhe veprimet karshi Kosovës, me të vetmen arsyeje “destabilizimin e Kosovës”.
“Serbia nuk ka ndryshuar. Nderisa Serbia është në të njëjtin kurs të veprimit, karshi Kosovës dhe shtetit të Kosovës. Natyrisht ajo po përdorë “mashat” siç janë si Lista Serbe dhe grupet e caktuara kriminale të llojit Radoiçiqi, për të destabilizuar vendin, për të destabilizuar veriun e vendit”, ka thënë Dugolli.
Dugolli është shprehur se Kosova nuk e dëshiron as luftën e as konfliktin, por një “vend të qetë, të sigurt dhe me rend e ligj”, por që Serbia nuk është e interesuar për këtë, për paqe dhe stabilitet.
“Ne nuk e dëshirojmë luftën, Ne nuk e dëshirojmë konfliktin. Ne e dëshirojmë një vend të qetë, të sigurtë dhe rend e ligj. Mirëpo, Serbia nuk është e interesuar për këtë, për paqe dhe stabilitet. Dhe gjithmonë rreziku ekziston”, ka shtuar ai.
