Sot në orët e pasditës “Jepi zë” raportoi se një fëmijë dyshohej që është mbytur, pasi ka rënë në kanalin e Ibër-Lepencit.
Fëmija më vonë u kuptua se i takonte moshës 12 vjeçare, dhe dyshohej se kishte shkuar të lahej, shkruan Jepi zë.
Ky rast ka ndodhur në fshatin Vaganicë të Mitrovicës, ku kalon kanali i “Ibër Lepencit”.
Njësitë relevante dhe ekipi mjekësor kishin dalur në vendin e ngjarjes ku është konstatuar vdekja e viktimës.
Ndryshe ky kanal i ujit që furnizon një pjesë të madhe të Kosovës dhe KEK-un me ujë, në shumë fshatra është i hapur, dhe rrezikon njerëzit sidomos fëmijët që e shfrytëzojnë për freskim.
