Sulmuesi spanjoll, Joaquin Sanchez Rodriguez i njohur si Joaquin ka shënuar het-trik ndaj Athletic Bilbaos duke u bërë lojtari më i vjetër që e arrin një gjë të tillë në La Liga.
Real Betis ka marrë një fitore të madhe me rezultat 3-2 ndaj Athletic Bilbaos në takimin e vlefshëm për javën e 16-të në kampionatin elitar spanjoll.
Më meritori në këtë fitore të vendasve padyshim se ishte ylli spanjoll, Joaquin.
Edhe pse 38-vjeçar, Joaquin shkëlqeu në këtë takim duke shënuar het-trik brenda 20 minutave të parë të lojës.
Joaquin shënoi golin e parë pas vetëm dy minutave lojë për 1-0, në minutën e 11-të shënoi për 2-0, ndërsa në minutën e 20-të kompletoi het-trikun.
Me këtë het-trik të shënuar, sulmuesi anësor bëhet lojtari më i vjetër që arrin një gjë të tillë në historinë e La Ligas.
Ky het-trik ndaj Bilbaos ka bërë që Joaquin të vlerësohet lartë për formën e tij edhe pse në moshë mjaft të madhe.
Spanjolli në të kaluarën ka luajtur edhe për Valencian, Malagan dhe Fiorentinë, ndërsa ka mbi 50 paraqitje me kombëtaren spanjolle.
https://youtu.be/HXTXkeJloaE
