Anëtari i PSD’së, Frashër Krasniqi ka reaguar nëpërmjet Facebookut pas arrestimit të veteranit të UÇK’së, Faik Fazliu. Ish-kryetari i OVL e UÇK’së, Faik Fazliu është arrestuar e më pas liruar, pas një konfrontimi që ka pasur mbrëmë me zyrtarët policorë në Prizren.
Për ngjarjen kishte komentuar edhe Ministri i Punëve të Brendshme, Xhelal Sveçla. Sveçla në një shënim në Facebook ka thënë se “sundimi i ligjit në shtetin e së drejtës, nënkupton edhe ushtrimin e detyrës nga zyrtarët policorë pa pengesa”.
Ndërkohë Krasniqi thotë se VV mori pushtetin për të luftuar “krimin e korrupsionin” por se sipas tij “UÇK-ja paska qenë problemi i tyre”
“Kishe patën me e luftu krimin e korrupsionin brenda, por jo, UÇK-ja paska qenë problemi i tyre! Kishe patën me ia ndreqë imazhin Kosovës jashtë, por jo, baltosja ndërkombëtare e UÇK-së paska qenë qëllimi i tyre!”, ka shkruar Krasniqi.
