Deputetja e Partisë Demokratike të Kosovës Ganimete Musliu, ka kritikuar kryeministrin në detyrë Albin Kurti, për vendimin e mbrëmshëm rreth marrjes përsipër të mbulimit të kostos së polisave kufitare për diasporën.
Musliu tha se Kurti dhe qeveria e tij po luajnë me ndjenjat e mërgimtarëve kosovarë.
“Albin Kurti marre të koftë, këtë vendim është dashtë me e marrë ditën kur e ke marrë postin e Kryeministrit.
Diaspora jonë nuk është aq naive sa mos më e kuptu lojën tënde me ndjenjat e tyre duke marrë gjoja vendime të rëndësishme për ta ditën kur ti e dorëzon qeverine. Ata më mirë se çdo kush tjetër e kuptojnë peshën dhe rëndësinë që kanë vendimet tua sot kur vetëm njerën këmbë e ke në Qeveri. Ti po i bënë fyerjen ma të madhe qe mund t’i bëjë dikush diasporës tonë. MARRE!”.