Fatmir Sejdiu, ka treguar se ende formalisht nuk e ka shpallur kandidaturën, duke thënë se këtë gjë do ta vendos në Kuvendin e 9-të që do të mbahet të shtunën.
Ai ka shprehur frikën se mund të ndodhë sërish si në 2015-tën kur nuk u lejuan kandidat të caktuar të garojnë me arsyetimin se duhet t’i kenë votën e gjysmës së delegatëve.
“Kjo normë ka shkaktuar probleme dhe është një moment që duhet të mos përsëritet. Kjo çështje nuk është kaluar dhe kam frikë që do përsëritet sërish dhe kjo nuk është në rregull. Problemi është i Kuvendit të 2015-tës”, ka deklaruar Sejdiu në Dukagjin.
Ai ka shtuar se secili që është delegat në Kuvend duhet të ketë mundësinë të shpallë kandidaturën.
I pyetur se a i ka votat e 177 delegatëve për të shpallur kandidaturën, ai nuk ka dashur të jape një përgjigje të saktë, por ka thënë se kjo gjë është antikushteteuse.
