Instituti Kombëtar i Shëndetit Publik ka njoftuar statistikat e datës 15 korrik lidhur me koronavirusin në Kosovë.
Gjithsej në IKSHPK janë testuar 486 mostra dhe prej tyre 132 kanë rezultuar pozitive.
Por, me rritjen e madhe të rasteve të reja në Kosovë është rritur edhe numri i vdekjeve të pacientëve me koronavirus. Gjatë ditës së djeshme ka pasur edhe 6 vdekje të reja, e numri total ka arritur në 118 raste.
Gjithashtu, janë shëruar edhe 83 pacientë, duke e dërguar numrin e të shëruarve në 2545.
Njoftimi i plotë:
Më datën 15 korrik 2020, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 486 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 132 raste pozitive.
Numri total i rasteve pozitive është 5.369 raste nga 29.546 persona të dyshimtë në virusin SARS-CoV-2, me gjithsej 118 raste të vdekjes të cilët kanë pasur sëmundje të tjera shoqëruese.
Më datë 15 korrik 2020, janë shëruar 83 pacientë derisa numri i përgjithshëm i të shëruarve deri më sot është gjithsej 2.545 raste, kurse numri i rasteve aktive është 2.706.
Rastet pozitive janë nga: komuna Prishtinë 47 raste, komuna Ferizaj 16 raste, komuna Mitrovicë 16 raste, komuna Gjilan 12 raste, komuna Podujevë 6 raste, komuna Vushtrri 5 raste, komuna Viti 4 raste, komuna Drenas 4 raste, komuna Fushë Kosovë 4 raste, komuna Pejë 3 raste, komuna Prizren 3 raste, komuna Deçan 2 raste, komuna Kaçanik 2 raste dhe me nga 1 rast komunat: Kamenicë, Klinë, Graçanicë, Kllokot, Mitrovicë e veriut, Obiliq, Rahovec dhe Skenderaj.
