Kryeministri në detyrë, Ramush Haradinaj, ka reaguar pas raportimeve se është arritur marrëveshje për bashkëqeverisje në mes të Lëvizjes Vetëvendosje dhe Lidhjes Demokratike të Kosovës.
Haradinaj ka thënë se ky është një veprim i duhur nga dy palët pasiqë respekton rezultatin zgjedhor.
Haradinaj ka thumbuar Kurtin duke thënë se “agonia e tejzgjatjes për ndarje të posteve është vetëm shpërfaqja e parë e mashtrimit të madh me të cilin do të identifikohet Albin Kurti si Kryeministër”.
“Kosovën e presin punë të mëdha dhe procese të rëndësishme, për të cilat duhet lidership, qëndrime konsistente dhe institucione kredibile dhe të qëndrueshme. Qëndroj i bindur se agonia e tejzgjatjes për ndarje të posteve është vetëm shpërfaqja e parë e mashtrimit të madh me të cilin do të identifikohet Albin Kurti si Kryeministër”, shkruan Haradinaj./Fokusi.info/
