Kryeministri i Kosovës, Avdullah Hoti ka folur në ditën e takimit të delegacioneve teknike të Kosovës dhe Serbisë në Bruksel.
Me anë të një postimi në Facebook, Hoti është shprehur se dialogu teknik ka përfunduar, dhe se sot nis draftimi i marrëveshjes për njohje reciproke, shkruan lajmi.net.
“Dialogu nuk ka alternativë. Por, dialogu teknik ka përfunduar. Tani Kosova ka nisur dialogun për njohje reciproke, dhe sot në Bruksel fillon draftimi i kësaj marrëveshje”, ka thënë ai.
Hoti madje ka thënë se një qasje refuzuese ndaj dialogut na ka izoluar, dhe se e njëjta ka shkaktuar edhe dëmtim të raporteve me miqtë ndërkombëtarë.
“Qasja refuzuese ndaj dialogut dhe ndaj miqve tanë në të kaluarën e afërt na ka izoluar. Shtëpia nuk mbahet pa miq”, ka shkruar ai tutje.
Postimi i plotë:
Dialogu nuk ka alternativë. Por, dialogu teknik ka përfunduar. Tani Kosova ka nisur dialogun për njohje reciproke, dhe sot në Bruksel fillon draftimi i kësaj marrëveshje.
Qasja refuzuese ndaj dialogut dhe ndaj miqve tanë në të kaluarën e afërt na ka izoluar. Shtëpia nuk mbahet pa miq.
Kosova ka një Kryeministër që po i ushtron autorizimet kushtetuese pa lejuar asnjë ndërhyrje në ato autorizime, por duke e koordinuar agjendën e shtetërore të Kosovës me bartësit e institucioneve, me partnerët e koalicionit dhe me opozitën, si dhe duke e mbajtur plotësisht të informuar publikun e gjerë.
