I nominuari për kryeministër nga radhët e LDK-së, Avdullah Hoti është deklaruar para mediave lidhur me zhvillimet e fundit pas konkretizimit të marrëveshje për koalicion me AAK-në.
Ndër të tjerash Hoti deklaroi se pritet që sonte të përmbyllet marrëveshja me partitë e tjera.
Po ashtu ai u pyet se nëse ndokush nga Grupi Parlamentar i LDK-së që s’do të votojë këtë qeveri dhe a ka mospajtime brenda përbrenda LDK-së.
Me këtë rast Hoti tha se pret që të gjithë deputetët pa përjashtim të jenë pro asaj që doli nga Këshilli i Përgjithshëm dhe Kryesia e partisë.
“Unë pres që të gjithë deputetët pa përjashtim të respektojnë vendimet e Këshillit të Përgjithshëm dhe të Kryesisë për këtë çështje”, tha Hoti.
