Ish-ministri i jashtëm, Enver Hoxhaj, ka thënë se nuk duhet të lejohet të hapen debate se a jemi më shumë me Amerikën apo me Evropën.
Deputeti Hoxhaj, në emisionin Debat në RTK, ka thënë se nuk duhet të lejohet të hapen debate se Kosova a është më shumë me Amerikën apo me Europën.
“Nuk duhet të lejojmë të hapen debate se a je më shumë me Amerikë apo me Evropë. Ata që marrin vendime janë në Shtëpi të Bardhë, janë në Këshill të Sigurisë Kombëtarë dhe në Departamentin e Shtetit, dhe të gjithë këta, janë në komunikim të rregullt me Brukselin e me Borellin, për të cilin unë i kam hezitimet e mia. Të njejtit, janë në komunikim edhe me Angela Merkel, e në komunikim direkt me Parisin”, ka thënë Hoxhaj.
