Ish gjyqtari i EULEX-it, Malcolm Simmons, ka vazhduar me kritikat e tij të ashpra kundrejt misionit në të cilin dikur ai punonte.
Teksa ka komentuar takimin e shefit të misionit të EULEX-it, Lars Gunnar Wigemark me presidenten Osmani, Simmons ka lëshuar edhe disa kritika të forta në drejtim të misionit të EULEX-it.
Në një postim në Tëitter, ai thotë se përderisa presidentja Osmani dhe qeveria e Kosovës mund ta kuptojnë sundimin e ligjit në Kosovë, është një turp që EULEX-i nuk e kupton këtë. Madje ka thënë se as vet Wigemark nuk e kupton.
Këto komente ai i ka bërë pasi që Wigemark në postimin njoftues për takimin me Vjosa Osmanin, ka thënë se kjo e fundit është një avokate e trajnuar dhe nuk ka nevojë t’i shpjegohet rëndësia e sundimit të ligjit, shkruan lajmi.net.
“Unë pa dyshim besoj që qeveria e re e Kosovës dhe Vjosa Osmani e kuptojnë shtetin e së drejtës. Është turp që EULEX-i dhe BE-ja nuk e kupton”.
