Ministri në detyrë i Shëndetësisë, Arben Vitia, në një konferencë për medie ku prezantoi lehtësimin e masave dha një lajm të mirë.
Ai tregoi se nga dita e enjte, qytetarët do të kenë të drejtë të lëvizin nga ora 05:00 e mëngjesit deri në ora 21:00.
I pyetur nga gazetarët për hapjen e shkollave, ministri Vitia tha se beson që në qershor do hapen shkollat por vetëm për klasat nga 9 deri në të 12-tën.
“Jemi në diskutime të vazhdueshme, besoj që në qershor, jo të gjitha klasat, por të 9-tat deri 12-tat, kurse për çerdhet po shpresojmë që situata me qenë më e mirë që të marrim vendim”, tha ai.
