Ministrja e Kulturës, Rinisë dhe Sportit, Vlora Dumoshi në ditët e para të punës së saj si ministre, është përballur me probleme dhe lajme të rrejshme.
Dikush ka hapur një profil në Twitter në emër të saj, duke publikuar lajm për kinse vdekjen e shkrimtarit Ismail Kadare.
Për këtë ka reaguar vetë ministrja Dumoshi, e cila ka thënë se dikush ka hapur llogari në emër të saj. Ajo ka thënë se rastin do të paraqes në Policinë e Kosovës.
Postimi i plotë i saj në Facebook:
Të dashur miq,
Sapo u njoftova se dikush ka hapur një llogari të rrejshme në emër timin në rrjetin social Twitter dhe të njëjtën e ka keqpërdorur, duke lëshuar lajme të rrejshme -fake news.
Dua të ju informoj se unë nuk kam asnjë llogari në Twitter.
Menjëherë do ta paraqes rastin në Policinë e Kosovës, departamentin e krimeve kibernetike.
Dëshiroj të shpreh keqardhjen time për këdo që mund të jetë trazuar nga këto lajme të rrejshme, duke keqpërdorur emrin tim./Telegrafi/
https://twitter.com/VloraDumoshi/status/1225012921614381056?s=19&fbclid=IwAR3T0SaoAnsRAZl_WuxX44WYiGxEWBh32dEuf4pTsemtwiAl3GVoSuWFAwQ
