Një 45-vjeçar shqiptar i cili jetonte vetëm në një kasolle, në fshatin e Kefalovrysos të Trikalas në Greqi, është gjetur i vdekur ditën e sotme.
Policia greke bën me dije se shqiptari kishte 48 orë që kishte vdekur dhe nuk kishte asnjë mik në fshat. Ishin burrat e fshatit të cilët informuan Policinë pasi duke kaluar pranë kasolles vërejtën trupin e vdekur të shqiptarit.
Sipas grupit hetimor gjasat më të shumta se 45- vjeçari shqiptar ka ndërruar jetë për shkaqe natyrale.
