Gazetari Vehbi Kajtazi iu është përgjigjur ministrit të Punëve të Brendshme Xhelal Sveçla i cili nëpërmjet një postimi në Facebook sulmoi atë dhe gazetarin tjetër Berat Buzhala se janë bërë pjesë e “luftës hibride të Serbisë”, duke e lidhur protestën e veteranëve të Ushtrisë Çlirimtare të Kosovës me këtë që ai e quan “luftë hibride”.
Gazetari Kajtazi ka thënë se nuk e ka pritur që Sveçla i frikësohet Kajtazit. Ai ka ironizuar me të teksa është shprehur se “nuk i godet policët me tulla” siç kishte bërë Sveçla.
