Ndonëse kanë mbetur edhe pak orë të ndërrimit të motmoteve disa vende në Kosovë janë duke kaluar momentet festive pa energji elektrike – nën dritën e qiriut.
Qyetet që deri tani kanë probleme me energji elektrike janë Prizreni, Ferizaj, Suhareka dhe Fushë Kosova.
Këtë për klankosova.tv e bënë të ditur lexuesit të cilët dërguan fotografi të ndryshme nga momentet festive që ata kanë.
Zëdhënësi për media nga KEDS, Viktor Buzhala, ka thënë për klankosova.tv se ekipet e tyre janë duke punuar në zgjidhjen e këtyre problemeve.
“Në disa zona, veçanërisht në Fushë Kosovë dhe Malishevë janë duke u paraqitur mbingarkesa ekstreme, ku po djegen në vazhdimësi siguresat”.
“Ekipet e KEDS-it duke i zëvendësuar ato, por ka raste që po djegën të njëjtat nga dy e tri herë. Në këtë situatë apelojmë që të ketë kursim maksimal, sidomos në ato zona, duke përfshirë edhe një pjesë të Prizrenit, Suharekës dhe qytetin e Ferizajit”.
“KEDS nga ora 15:00 ka në dispozicion 430 punëtorë, sikurse 120 tjerë rezervë që të intervenojnë në secilën situatë. Por, kursimi i energjisë elektrike do t’ua lehtësonte shumë punën edhe atyre”.
“Qendra e Thirrjes vazhdon të jetë në dispozicionin tuaj për të na njoftuar për çdo kërkesë tuajën”, ka thënë Buzhala.
