Shefi i Grupit Parlamentar të PDK-së, Abelard Tahiri, ka thënë se e vlerëson jashtëzakonisht lartë kontributin dhe punën e kryeministrit të Shqipërisë, Edi Ramës, për situatën në veri të Kosovës.
Ai u deklarua kështu kur në një konferencë për media u pyet për mbajtjen e konferencës ndërkombëtare që u iniciua nga Rama.
“Është fat për ne si komb shqiptar që Edi Rama i flet botës, të paktën që nuk e lejon të degradojë agjenda jonë me aq fuqi sa ka”.
“Qeveria nuk e di cili do të jetë formati i një konference që është një angazhim i Ramës që Kosova të mos degradojë edhe më tutje, e kem një person që ka kredibilitet ndërkombëtar dhe flet për Kosovën në një kohë kur na vendosen sanksionet”, ka thënë Tahiri.
