Përfaqësuesja e Kosovës rikthehet sonte në aksion, ku do të luajë me Gjeorgjinë në kuadër të kualifikimeve për Kupën e Botës “Katar 2022”.
Ndeshja që fillon në ora 20:45, do të luhet në stadiumin “Fadil Vokrri” dhe që është e fundit për këtë muaj.
Në përballjen e parë, Dardanët kishin triumfuar si mysafir i Gjeorgjisë me golin e vetëm të shënuar nga Vedat Muriqi.
Kosova është në Grupin B dhe ka arritur të arkëtojë vetëm katër pikë, me Spanjën që është lider me 13 pike, Suedia me 12, Greqia me nëntë dhe Gjeorgjia është në të fundit me një.
