Skuadra e Llapit ka transferuar talentin Almedin Klinakun, shkruan Fokusi.info.
Klinaku është 18 vjeçar dhe ishte pjesë e skuadrës së KEK-ut në edicionin e kaluar.
18 vjeçari ka nënshkruar kontratë 5 vjeçare me skuadrën e Llapit.
Ja njoftimi i klubit:
“Mirësevjen ALMEDIN KLINAKU
18 vjeçari vie nga skuadra e KEK-ut
Podujevë, 22 dhjetor 2020 – Petkut të futbollistëve perspektiv dhe premtues për të ardhmen nga dita e sotme iu është bashkangjitur edhe mesfushori i krahut të djathtë, Almedin Klinaku.
Në ambientet e stadiumit ‘Zahir Pajaziti’, Klinaku firmosi kontratë që e mban në klub deri në vitin 2025, teksa sot për herë të parë u prezantua me fanellën e klubit të ri të tij, KF Llapit.
Almedin Klinaku, i lindur më 16.12.2002, 18 vjeç, i gjatë 1.74 cm, luan si mesfushor i krahut të djathtë si dhe mesfushor ofanziv.
Këmba e tij e preferuar është këmba e majtë. Shquhet për teknikën e mirë, depërtimet nga krahu dhe gjakftohtësinë e precizitetin para portës.
Trajneri Tahir Batatina ka vëzhguar shumë ndeshje të Almedin Klinakut me skuadrën U-19 të KEK-ut, deri sa ka mbetur shumë i kënaqur me paraqitjet e tij, të cilat ishin vendimtare që sot Klinaku të jetë pjesë e Llapit për periudhën 2020-2025.
Paç suksese me fanellën e Llapit, Almedin”, shkruan Llapi.