Kosova e ka deklasuar Lituaninë në “Fadil Vokrri”, duke triumfuar 4-0.
Një gol u shënua në pjesën e parë, derisa tre të tjerë në atë të dytë.
Gjithçka nisi me golin e bukur të Arbër Zenelit, në minutën e 27-të.
Në pjesën e dytë, pak para se të largohen nga loja, Milot Rashica dhe Vedat Muriqi sollën golin për 2-0 pas një kombinimi të bukur, topin në rrjet e dërgoi sulmuesi i Laizos.
Në minutën e 70-të, Zeneli që bëri paraqitje fantastike sonte, e gjeti edhe njëherë rrjetën, duke realizuar për 3-0.
Pak minuta më vonë, në atë të 79-të, realizoi edhe Besar Halimi.
Ai hyri në lojë në pjesën e dytë, për të gjetur golin për 4-0 në minutën e 79-të, që doli të jetë rezultati përfundimtar i këtij takimi.
Kjo miqësore për Kosovën ishte e rëndësishme para ndeshjeve kualifikuese për Botërorin “Katar 2022”.
Të dielën, Dardanët do të presin në ‘Fadil Vokrri’ Suedinë , derisa të mërkurën (31 mars), do të udhëtojnë në Spanjë për t’u përballur me super ekipin e Luis Enriques.
