Përfaqësuesja e Kosovës është nisur nga aeroporti “Adem Jashari” në Prishtinë drejt Bukureshtit, të Rumanisë për një mision.
Dardanët nesër do të luajnë ndeshje tejet të rëndësishme kundër rumunëve, në kuadër të kualifikimeve për Euro 2024.
“Dardanët udhëtuan me plot motiv, dëshirë e shpresë për rezultat pozitiv”, thuhet në njoftimin e Federatës së Futbollit të Kosovës, transmeton Fokusi.info.
Përndryshe, Kosova pasi barazoi me Zvicrën me rezultat 2-2, ka ringjallur momentumin për kualifikim në Kampionatin Evropian, nëse kthehet me një fitore nga Bukureshti të martën mbrëma.
Ndeshja do të zhvillohet duke filluar nga ora 20:45.
