Nga Komisioni Qendror i Zgjedhjeve kanë theksuar se janë të gatshëm për organizimin e zgjedhjeve për kryetar të Komunave në veri të vendit, të cilët dhanë dorëheqje ditë më parë, për shkak të vendimit të Qeverisë së Kosovës për çështjen e targave.
Zëdhënësi i KQZ-së, Valmir Elezi tha se KQZ-ja do të presë shpalljen e zgjedhjeve për të filluar me përgatitjet intensive të tyre.
Sipas tij, ende nuk dihet se sa do ti kushtojnë buxhetit të shtetit zgjedhjet në vëri.
Elezi thotë se aktualisht KQZ-ja nuk ka buxhet, sipas tij në raste të tilla KQZ-ja përgatit kërkesën për Qeverinë e Kosovës me shumën e planifikuar.
“Këto janë zgjedhje të paplanifikuara, prandaj KQZ-ja nuk ka buxhet. Në raste të tilla, sikurse në të kaluarën, KQZ-ja përgatit kërkesën për Qeverinë e Kosovës me shumën e planifikuar”, shprehet Elezi për Telegrafin.
