Shteti serb duket se qëndron pas sulmit terrorist mbi Policinë e Kosovës të dielën e 24 shtatorit në fshatin Banjskë të Zveçanit.
Kështu thonë faktet e paraqitura nga Kosova, konkretisht ministri i Brendshëm Xhelal Sveçla.
Sot, u bë e ditur se në mesin e të vrarëve nga grupi terrorist serb është edhe Bojan Mijajloviq, i cili kishte qenë truproje e Aleksandar Vulin, shefit të BIA-s (Shërbimit Sekret Serb).
E gjatë së martes, kreu i MPB-së theksoi se sulmin ndaj organeve të rendit e kishte udhëhequr Milan Radojçiq, nënkryetar i Listës Serbe.
Profesori universitar Kadri Kryeziu, tha në Info Magazine në Klan Kosova se kjo parti edhe mund të ç’regjistrohet.
“Kjo për shkak se i ka shkelur rregullat. KQZ bën kërkesë në Gjykatën Kushtetuese dhe kjo gjykatë është kompetente për me i ç’regjistruar partitë, nëse konsideron se ka cënuar rendin kushtetues, juridik dhe ligjor. E po ashtu nëse konsiderojnë nëse kanë vepruar kundër interesave të publikut”, tha Kryeziu.
