Kryeministri i Kosovës, Albin Kurti, këtë të hënë ka mbajtur takimin e parë me ambasadorin e ri të Shteteve të Bashkuara të Amerikës në Kosovë, Jeffery Hovenier.
Kurti tha se “Kosova dhe SHBA-të do të vazhdojnë të qëndrojnë krah njëra tjetrës në një aleancë të palëkundur e të bazuar në histori dhe kërkesën e ndërsjellët për drejtësi e demokraci”.
Kujtojmë se ambasadori i SHBA-së në Kosovë, Jeffery Hovenier është pritur nga presidentja e vendit, Vjosa Osmani, teksa tha se Amerika do ta mbështes Qeverinë e Kosovës në sundimin e ligjit dhe zhvillimin e institucioneve.