Sot, ka ndërruar jetë profesori Asllan Istrefi.
Lajmin për vdekjen e tij e ka bërë të ditur miku i tij Pajazit Hajzeri, përcjell “Veriu info”.
Asllani në të kaluarën kishte punuar si mësimdhënës, drejtor shkolle dhe së fundmi profesor.
Po ashtu, ka qenë edhe udhëheqës i UÇK-së në zonën e Shalës.
Postimi i plotë:
Prehu në paqe miku im profesori i nderuar Asllan Istrefi!
Profesorin e njoha shumë vite më parë, në fillimet e rrugëtimit tim. Profesori do të na mungoi që të takohemi, të bisedojmë, të konsultohemi, të shkëmbejmë mendime, ide dhe literaturë për çështje të ndryshme historike dhe kombëtare.
Profesor Asllani i kishte kushtuar gjithë jetën e tij arsimit si; mësimdhënës, drejtor shkolle dhe së fundmi profesor deri në pensionim, ishte ushtar i UÇK-s, autor i disa librave, ndërsa dy të tjera veçse ishin në përfundim e sipër që nuk arriti t’i shoh të botuara.
Të qoft i lehtë dheu i Kosovës që aq shumë e deshte profesor!
Ngushëllime familjes Istrefi!