Ish Kapiteni i Kombëtares Kuq e Zi, legjenda e futbollit shqiptar, Lorik Cana, është në negociata të avancuara me klubin zviceran Fc Lausanne Sport, negociata që pritet të konkretizohen brenda këtij muaji.
Përfundimi pozitiv i negociatave do ta çojë Lorik Canën në krye të ekipit, saktësisht në pozitën e drejtorit sportiv.
Kapiteni Cana rikthehet si drejtor sportiv në klubin dhe qytetin ku filloi dashurinë e parë futbollistike.
Lajmi është konfirmuar nga burime të afërta me Lorik Cana.
Rtklive u përpoq të merrte qëndrim zyrtarë nga Cana gjatë ditës së sotme, por ishte e pamundur.
