Zyrtari i Aleancës për Ardhmërinë e Kosovës, Halil Matoshi ka deklaruar sot se veprimi i ish-kryeministrit të vendit, Avdullah Hoti për t’ia dorëzuar personalisht detyrën shefit të ri të Qeverisë, Albin Kurtit, paraqet kulturë politike dhe shkollë prej burrështetasit.
Ish-zëvendësministri i Kulturës në Qeverinë Hoti shkroi në Facebook se Lidhja Demokratike e Kosovës është aset kombëtar i Kosovës.
“LDK âsht aset kombëtar i Kosovës, e patundun në idenë e shtetit për tre dekada, anipse po jeton ni periudhë të shtirë!”,shkroi ai.
Matoshi thotë se veprimi i Hotit për të ia dorëzuar personalisht postin Kryeministrit të ri, Albin Kurtit, gjë që ky i fundit s’e kishte bërë me Hotin, paraqet kulturë politike.
“Avdullah Hoti mund të mos jetë Kryeministri ma i mirë, por po qe fati dhe “psikosomatika e frymës së kohës” (Peter Sloterdijk) ishin kundēr tij, por ishte ni kryeminister normal në rrethana jonormale! Akti i tij i sotshëm, kur u ngrit në naltësinë e detyrës, tue i dorëzu postin Kryeministrit Kurti (gjâ që ky s’e bani!?) paraqet kulturë politike dhe shkollë prej burrështeti!”, ka shkruar Matoshi.
