Ministri i Financave, Hekuran Murati ka reaguar lidhur me pensionet e veteranëve të UÇK-së nga Shqipëria, të cilat ua ndaloi Qeveria e Kosovës.
Murati përmes një postimi në Facebook ka thënë se pensionet janë ndaluar për disa veteranë që kanë të ardhura tjera, transmeton Fokusi.info.
Ai shtoi se vetëm po e zbatojnë ligjin, duke theksuar se në momentin që një veteran ka të ardhura tjera, nuk mund të përfitojë nga pensioni i veteranit.
“Veteranët e UÇK-së që i plotësojnë kushtet sipas ligjit, përfshirë edhe ata në Shqipëri, vazhdojnë të marrin pensionin e veteranit. Pensionet janë ndalur për disa veteranë të cilët kanë të ardhura tjera, kriter ky që aplikohet edhe ndaj veteranëve të UÇK-së në Kosovë”, ka shkruar Murati.
Postimi i plotë:
Vetëm po zbatojmë ligjin!
Veteranët e UÇK-së që i plotësojnë kushtet sipas ligjit, përfshirë edhe ata në Shqipëri, vazhdojnë të marrin pensionin e veteranit.
Pensionet janë ndalur për disa veteranë të cilët kanë të ardhura tjera, kriter ky që aplikohet edhe ndaj veteranëve të UÇK-së në Kosovë.
Pra momentin që një veteran ka të ardhura tjera, nuk mund të përfitojë nga pensioni i veteranit. Këtë e përcakton ligji, pavarësisht vendndodhjes.
Andaj nuk qëndron ajo që po tentohet të paraqitet në disa media.
