Kryetari i partisë Socialdemokrate Dardan Moliqaj ka reaguar pas arrestimit të aktivistit të PDK, cili përmes një aksioni simbolik i gjuajti dinarë të Serbisë Martin Berishajt.
Sipas tij, aksioni i aktivistëve të PDK është i qëlluar.
“Aktivisti i arrestuar duhet të lirohet menjëherë. Kurse Martin Berishaj pas shkarkimit duhet të ndiqet penalisht. Përballë pushtetit arrogant e të rrezikshëm, opozitën duhet ta bëjmë çdo ditë duke e rritur intensitetin”, ka shkrua ai ndër të tjera.
Reagimi i plotë:
Martin Berishaj nuk përfaqëson Kosovën por vetëm Kryeministrin dhe grupin e tij. Aksioni i aktivistëve opozitar të PDK është shumë i qëlluar. Afera e ambasadorit ka përmasa serioze.
Aktivisti i arrestuar duhet të lirohet menjëherë. Kurse Martin Berishaj pas shkarkimit duhet të ndiqet penalisht.
Përballë pushtetit arrogant e të rrezikshëm, opozitën duhet ta bëjmë çdo ditë duke e rritur intensitetin.
