Kryetari i Partisë Socialdemokrate, Dardan Molliqaj, është solidarizuar me protestën e Bashkimit të Sindikatave të Pavarura të Kosovës (BSPK), të cilët kërkojnë miratimin e Ligjit për Paga.
Molliqaj në një postim në rrjetin social “Facebook”, ka shkruar se të drejtat e punëtorëve janë të patjetërsueshme, ndërsa organizimi sindikal është i domosdoshëm.
“Jetesa e punëtorëve është vështirësuar prej krizës ekonomike. Ndërhyrja e institucioneve ishte e vonshme dhe e gabuar. Kërkesat e sindikatave do të lehtësojnë jetën e punëtorëve. Në solidaritet me sindikalistët!”, ka shkruar ai.
Postimi i plotë:
Të drejtat e punëtorëve janë të patjetërsueshme, ndërsa organizimi sindikal i domosdoshëm.
Jetesa e punëtorëve është vështirësuar prej krizës ekonomike. Ndërhyrja e institucioneve ishte e vonshme dhe e gabuar.
Kërkesat e sindikatave do të lehtësojnë jetën e punëtorëve. Në solidaritet me sindikalistët!
