Veprimtari i çështjes kombëtare, Haki Morina ka komentuar situatën aktuale politike, shkruan Fokusi.info.
Ai përmes një postimi në Facebook, ka folur rreth zhvillimeve në raport me “Listën Serbe”.
Statusi i plotë i z. Morina:
Pretendimi që Lista serbe nuk përfaqëson serbët e Kosovës, ose është naivitet i zakonshëm i yni, ose është një mashtrim i madh politik.
Pse është kështu?
Sepse të mendosh që Lista serbe përfaqëson vetëm interesat e Beogradit, i bjen që serbët e Kosovës na duan neve shqiparëve, por dikush nga jashtë po i mashtron e po i pengon.
Dhe të mendosh se serbët e Kosovës e duan shtetin e Kosovës, është si të mendosh që ujku është miku i deleve.
Mendim më iracional, më jorealist, nuk e di që mund të ketë.
Dhe tjetra çka më ka rënë në sy, është ajo që deklaron Kurti, që njëherë do të bëj dialog me serbët e Kosovës, e pastaj shohim e bëjmë.
Çka i bjen kjo?
Kjo i bjen që serbët e Kosovës, i besojnë më shumë një supernacionalisti, siç është Albin Kurti, e nuk i besojnë një bashkëpunëtori të Vuçiqit, siç është Hashim Thaçi.
Këtu ska asnjë gjë që ka lidhje me logjikë.
