Kryetari i LDK’së, Isa Mustafa, ka thënë se videoja e Kurtit që e publikoi për herë të parë, dha sinjale se VV ka hequr dorë prej marrëveshjes.
Kështu deklaroi Mustafa në një intervistë për televizionin publik.
‘’ Videoja e parë na dha disa sinjale që ne i kuptuam. Se ata po heqin dorë prej marrëveshjes’’, ka thënë Mustafa.
Kujtojmë se sot VV e ka refuzuar ofertën e LDK’së për koalicion, duke e quajtur këtë të fundit parti monarkike.
Oferta e LDK’së ka qenë që numri i ministrive të mos rritet dhe ato të ndahen 5 me 5, si dhe të marrë postin e Kryeparlamentarit deri në zgjedhjen e Presidentit.