Qeveria e Kosovës ka ndarë 500 mijë euro për Luginën e Preshevës si ndihmë në përballimin e situatës me pandeminë.
Ky vendim është marrë në mbledhjen e qeverisë së Kosovës.
“Qeveria e Kosovës ka miratuar vendimin për mbështetjen financiare për Komunën e Preshevës, Komunën e Bujanovcit dhe Komunën e Medvegjës në vlerën prej 500,000.00 € (pesëqind mijë euro) që do të përdoren për përballimin e gjendjes së krijuar nga pandemia.”, thuhet në njoftimin e qeverisë.
