Sipas shifrave zyrtare nga Ministria e Shëndetësisë, numri i viktimave nga Covid 19 në vend shkon në 44.
Genta Qirjako nga Instituti i Shëndetit Publik tha se në 24 orët e fundit është shënuar një humbje jete në spitalin infektiv.
Kjo e fundit deklaroi se një 62-vjeçar nga Tirana i shtruar në gjendje të rëndë dhe I intubuar, nuk arriti dot të mbijetojë me gjithë përpjekjet e stafit mjekësor të spitalit infektiv duke i shprehur i shpreh ngushëllimet familjarëve të të ndjerit.
Ndërkohë, gjatë 24 orëve të fundit janë kryer 327 testime, nga të cilat janë konfirmuar 71 raste pozitive, kryesisht raste të reja.
Shpërndarja gjeografike e të identifikuarve pozitivë në 24 orët e fundit:
31 të prekur në Tiranë
12 në Shkodër
6 në Fier
5 në Krujë
5 Vlorë
4 në Pogradec
3 në Durrës
2 në Kamëz
1 në Mirditë
1 në Lezhë
1 në Kukës
Gjithashtu, në 24 orët e fundit janë shëruar 8 qytetarë, duke e çuar në 1.134 numrin e të shëruarve që nga fillimi i epidemisë.
