Pas një sëmundje të rëndë, ka ndërruar jetë veterani i luftës së UÇK-së, Agron (Smajl) Haradinaj.
Agroni është vëllau i Nasim Haradinajt, i cili gjendet në Hagë, shkruan Fokusi.info.
Lajmin e ka bërë të ditur, ushtruesi i detyrës i kryetarit të OVL-UÇK-së, Faton Klinaku.
Njoftimi i plotë:
Sapo morëm lajmin e hidhur se ndërroj jetë bashkëluftëtari ynë Agron Smajl Haradinaj.
Agroni një jetë të tërë ishte në shërbim të Atdheut, para lufte, në luftë e në paqe. Bashkë më të vëllain Nasimin, angazhimin për vendin e kishte trashëguar nga i ati Smajl Haradinaj.
Ai ishte i burgosuri politik më i ri në moshë në Jugosllavinë e atëhershme ndërsa u shqua si njëri ndër luftëtarët më të zotë të Ushtrisë Çlirimtare.
I ndjeri vuante prej shumë vitesh nga një sëmundje e rëndë dhe trajtohej jashtë shtetit.
Për ceremoninë e varrimit do të njoftoheni.
Në emër të OVL UÇK-së i shprehim ngushëllime familjarëve, bashkëluftëtarëve, shokëve e miqve!
Lavdi jetës dhe veprës së tij!