Prokuroria Themelore e Prishtinës përmes një komunikate për media ka bërë të ditur se nuk është ngritur aktakuzë ndaj asistentit të Albin Kurtit, Arianit Beqiri.
Beqiri është arrestuar sot nga Policia e Kosovës pas shfaqjes së veprës artistike para objektit të Qeverisë, shkruan arbresh.info
Prokuroria bën të ditur se personi në fjalë është intervistuar nga Policia e Kosovës dhe është liruar në procedurë të rregullt.
Komunikata e plotë:
Prokuroria Themelore në Prishtinë, për hir të informimit korrekt njofton opinionin lidhur me shkrimet se është ngritur aktakuzë ndaj personit me inicialet A.B., pas shfaqjes së veprës artistike para objektit të Qeverisë, duke ju njoftuar se i njëjti vetëm është intervistuar nga Policia e Kosovës, në të njëjtën kohë, sqarojmë opinionin se Prokuroria Themelore në Prishtinë nuk ka ngritur aktakuzë ndaj të njëjtit e as nuk është ndaluar me urdhër të prokurorit kujdestar të kësaj prokurorie.
Personi me inicialet A.B., pas intervistimit është liruar në procedurë të rregullt./Fokusi.info/
