Komuna e Rahovecit në bashkëpunim me OVL e UÇK-së dega në Rahovec kanë organizuar sot, aktivitete të shumta në nderim jetës dhe veprës së dëshmorëve të Kombit: Xhelal Hajda-Toni, Selajdin Mullabazi-Mici nga Rahoveci, Hamdi Hajrizi, Bektesh Haliti dhe Nezir Imeri nga Vushtrria, shkruan Fokusi.info.
Aktivitetet në shënimin e 21 vjetorit të rënies së dëshmorëve kanë filluar me nderime dhe homazhe te vendi i rënies tek udhëkryqi mbi fshatin Opterushë dhe fillimi i ndërtimit të kullës prej guri, për nder të dy heronjve Xhelal Hajda-Toni dhe Selajdin Mullabazi-Mici, për të vazhduar me homazhe te Lapidari i heronjve, Xhelal Hajda-Toni, Selajdin Mullabazi-Mici dhe shënimi i ditës së Shkollës së Mesme të Lartë “Xhelal Hajda-Toni” aktivitet ky që është mbajtur në Shtëpinë e Kuturës “Mensur Zyberaj”, Rahovec.
Në aktivitetet për shënimin e 21 vjetorit të rënies së dëshmorëve: Xhelal Hajda-Toni, Selajdin Mullabazi-Mici, Hamdi Hajrizi, Bektesh Haliti dhe Nezir Imeri, ka marrë pjesë edhe kryetari i komunës së Rahovecit, Smajl Latifi me bashkëpunëtor, familjar dhe bashkëluftëtar të dëshmorëve.
Po ashtu, homazhe janë bërë edhe në varrezat e dëshmorëve në Stanoc të Vushtrrisë.
“Emri i tyre është kalitur në çdo mendje e në çdo zemër me një krenari të pamasë. Emrat e tyre sot gëzojnë rrugët e më e mira e kësaj gëzojnë shkollat-vatrat e kulturës e arsimit, nga ku buron dija e bashkë me to buron dashuria për atdheun siç edhe e kishin ata. E ardhmja ndërtohet çdo ditë dhe përkushtimi ynë duhet të bazohet mbi këto flijime të mëdha. Dëshmorët që po i kujtojmë sot na tregojnë se përjetësia u takon atyre, ndërsa neve na mbetet të punojmë pa u ankuar e pa u ligështuar, ngase jeta nuk ka çmim”, ka thënë ndër të tjera kryetari Latifi.
Andaj, sot, Shkolla e Mesme e Lartë “Xhelal Hajda-Toni” e cila me nder mban emrin e kolosit të lirisë, ka festën e saj. Uroj që në emër të atdhedashurisë për vendin të korret suksesi, të çmohen vlerat dhe të nxjerret në pah më e mira, duke na bërë krenar të gjithëve dhe duke e nderuar emrin e luftëtarit të lirisë Xhelal Hajda – Toni.
E ardhmja ndërtohet çdo ditë dhe përkushtimi ynë duhet të bazohet mbi këto flijime të mëdha. Dëshmorët që po i kujtojmë sot na tregojnë se përjetësia u takon atyre, ndërsa neve na mbetet të punojmë pa u ankuar e pa u ligështuar, ngase jeta nuk ka çmim, ka thënë Latifi.
Në këtë rast,u bë zbulimi i lapidarit të dëshmorit Bektesh Haliti në fshatin Gllavatin të Vushtrrisë./Fokusi.info/
