Një përleshje fizike ka ndodhur sot mes disa personave në Fushë Kosovë.
Zëdhënësja e Policisë së Kosovës, Flora Ahmeti tha për Telegrafin se tashmë janë arrestuar shtatë persona.
“Sot rreth orës 14:30, policia ka marrë informacionin se në rrugën ‘Enver Maloku’ në Fushë Kosovë, ka pasur një përleshje në mes të disa personave. Menjëherë pas marrjes së këtij informacioni policia ka filluar ndërmarrjen e verimeve operativo-hetimore në përpjekje për të ndriçuar dhe sqaruar të gjitha rrethanat që kanë karakterizuar rastin. Rezultatet e këtyre veprimeve kanë ngritur dyshimet se një mosmarrëveshje e mëhershme në mes të dyshuarve ka rezultuar në rrahje mes tyre me ç’ rast janë përdorur edhe mjete të forta”, pohoi Ahmeti.
Tutje, zëdhënësja e Policisë së Kosovës tha se nga përdorimi i mjeteve të forta, njëri nga personat ka marrë lëndime të rënda trupore ( frakturë në hundë) për çfarë të njëjtit i është ofruar ndihma mjekësore.
“Lidhur me këtë rast, i cili është cilësuar si lëndimi rëndë trupor, policia ka arrestuar shtatë persona të dyshuar, të cilët pas intervistimit me urdhër të prokurorit të shtetit është dërguar në qendrën e mbajtjes”.
