Disa banorë të një fshati kanë arritur ta shpëtojnë një foshnje të porsalindur, që ishte varrosur për së gjalli në një kuti kartoni në lindje të Kinës.
Jiao Xinglu dhe Zhou Shangdong po mblidhnin kërpudha në një zonë malore në afërsi të Laiwus në provincën kineze Shandong, kur gjetën foshnjën, transmeton Telegrafi.
Jiao kishte dëgjuar një zë që i ka ngjarë me të “lehurat e qenit” në një zonë që nuk ishte e rrafshët. E familjarët e vogëlushit kishin menduar se ka ndërruar jetë, pasi kishte lindur me një infeksion të thellë në mushkëri.
Në video shihet Jiao duke hapur gropën me duar, pasi brenda saj vinte një zë dhe kështu i dolën në ndihmë edhe bashkëfshatarë tjerë, që në fund arritën ta nxjerrin një kuti kartoni brenda të cilës ishte foshnja.
Ata u habitën kur brenda saj panë foshnjën që po flinte dhe peshonte vetëm një kilogram e gjysmë. Por, pasi i afrohen masa, hapë sytë dhe më pas fillon edhe të qajë.
Ai menjëherë është dërguar me urgjencë në spital pasi vuante nga anemia dhe raportohet se gjendja shëndetësore e vogëlushit është stabile.
