Policia e Kosovës, përmes një komunikate për media, ka njoftuar se ka suspenduar një rreshter policor, transmeton Fokusi.info.
Suspendimi i rreshterit thuhet se është bërë për shkak se ka rënë ndesh me udhëzimin administrativ mbi shkeljet, masat dhe procedurat disiplinore.
Komunikata e plotë:
Policia e Kosovës, mbështetur në udhëzimin administrativ mbi shkeljet, masat dhe procedurat disiplinore, pas dyshimit të arsyeshëm, ka suspenduar një rreshter policor.
Suspendimi i këtij rreshteri policor është bërë mbi arsyen se i njëjti ka rënë ndesh me udhëzimin administrativ të lartcekur, me ç’rast i njëjti gjatë orarit të punës ka dalur në një lokal në Prishtinë.
Andaj pas shkeljes së bërë, këtij rreshteri policor i është ndaluar ushtrimi i detyrave policore për 48 orë.
Policia e Kosovës u është mirënjohëse të gjithë gazetarëve dhe mediave për bashkëpunimin e treguar me PK-në, bashkëpunim ky, i cili reflekton edhe në performancën dhe transparencën e Policisë së Kosovës.
