Një person ka ndërruar jetë dhe dy të tjerë janë lënduar.
Ky është konfirmimi nga Policia e Kosovës për aksidentin që ka ndodhur në fshatin Lluzhan të Podujevës në orën 14:11, njofton Klan Kosova.
“Në orën 14:30 kemi pranuar një konfirmim nga njësitë në vendin e ngjarjes se me konfirmim të mjekut kujdestar një person ka ndërruar jetë dhe dy persona të lënduar janë dërguar në QKUK-Prishtinë”, ka thënë zëdhënësi i Policisë, Bajram Krasniqi.
Ai ka thënë se në këtë aksident kanë qenë të përfshira dy automjete.