Në fjalën e mbajtur në Parlament pas përfundimit të protestës së opozitës, kryeministri Edi Rama deklaroi se lyerja me të zezë e Ministrisë së Brendshme u bë në mënyrë që të shpërndahen pamjet në mediat e huaja.
“Edhe jashtë ka euro-kadrinj siç ka kadrinj lokalë”.
Ai shtoi se “Shqipëria sot është një vend shumë më i sigurtë se pesë vite më parë”.
Më herët, kryeministri Rama reagoi përmes një postimi në InstaStory lidhur me protestën e sotme të opozitës.
Ai ndau një video të momentit kur protestuesit spërtakën me ngjyrë të zezë Ministrinë e Brendshme, Rama ironizon opozitën ndërsa shkruan se ky është produkti më i ri për nxirjen e Shqipërisë.
“Gati për eksport nëpër botë produkti më i ri për nxirjen e Shqipërisë”, ka shkruar ai./ Top Channel